Wing

【熊心如 x 朱天梯】中秋節番外

月圓之時，不知你心中所牽掛的那個ta，在你身邊嗎？

（時間線設置在表白成功拍拖後）

熊家

根：大妹二妹細妹啊，過兩日中秋節啦，叫埋潮偉、阿龔、tt上來食飯一起過節啦。

善：知嘅啦阿爸，放心啦。

水：阿龔一早就話開ot搞掂曬公司啲嘢，保證上來同大家一齊過節。

根：細妹？點解唔出聲啊？係咪tt唔得閒啊？

如：唔⋯⋯唔係，只不過我未問佢，唔知佢使唔使返屋企過節嘖⋯⋯

根：哦哦哦～唔緊要哈，你記得就問下啦。

善、水眼神示意：唔係啊嘛紅衫魚？你個tt咁唔識做？中秋節如果唔得閒嘅話提早單聲啊。😲

如眼神回應：我點知喔⋯⋯我宜家即刻去問！

善眼神：紅衫魚，我覺得你需要睇多啲我嘅小說咯。🙄

⋯⋯⋯

安：公公，點解你唔問我叫唔叫埋Bonnie上來過節嘅？

善、水、如：你覺得譚校長會俾Bonnie係我地屋企過哩啲大節嗎？（集體翻白眼🙄）

安：對唔住媽咪，對唔住二姨，對唔住三姨。😬（聲音越來越小）

電話

如：喂？tt，中秋節得唔得閒啊？上唔上來屋企食餐便飯？

tt：ummm⋯⋯凌凌都會上去你屋企？

如：應該係啦，你知佢同安仔糖痴豆嘎啦。

tt：我阿爸出trip，得翻我一個，我都好耐冇同細佬過中秋了。

如：聽你語氣，你地一家人肯定好耐都冇試過一起過節啦。

tt：應該好快係「我地」一家人一齊過節啦。😙

如：邊個同你一家人啊宜家！費事睬你。

tt：唔好咁啦大頭妹～一陣得唔得閒？陪我去個地方咧？

⋯⋯⋯⋯⋯⋯

如：你話陪你去一個地方，原來就係哩度啊？

心如放下背包，看著這個熟悉的地方：一排焗爐、一張張材料檯、一條條圍裙整齊咁掛係度。

tt：係啊，中秋節啊嘛，梗係要整餅啦。

如：哈？我知你對菠蘿包有研究，但係睇唔出你對月餅都有研究嘎喔。

tt：（驕傲自滿噶笑容）哈哈哈哈，整餅整包哩啲嘢一理通百理明嘎啦，我個大頭妹咁聰明，應該一學就識。（伸手來了一個摸頭殺）

如：你宜家想我幫你做廉價勞工啊？tt sir，我相信你都好清楚宜家part time時薪幾多嘎ho？

tt：時薪咪⋯⋯（故作思考🤔）

如：朱律師，睇來你對專業知識嘅⋯⋯（話未講完，tt向心如送了一個如蜻蜓點水般的吻，淡淡的，輕輕的）

tt：咪咁咯。（招牌笑容）傻妹，啲餅係整來中秋節拿上去你屋企一齊食嘎，係咪幫下手都唔得先？

如：咁我都好想親手整月餅俾大家食嘅。

⋯⋯⋯⋯

tt拿起掛在牆邊的圍裙，在心如綁起頭髮的時候，麻利地幫心如著好條圍裙，仲係後面打咗個蝴蝶結🎀；tt除咗西裝外套，捲起衣袖，好快都著好條圍裙。

tt：啊～你話如果第時我地兩個都失業，應該可以一齊出去賣餅啵🤨，我整老婆餅，你整老公餅，幾襯。

如：tt sir，你可唔可以專業啲？再講廢話天黑都未整完。🙄（心如表面上好似好唔耐煩，但係其實係因為內心想起之前的整包經歷唔係咁順利⋯⋯好想快啲離開哩個傷心地）

tt感受到佢個大頭妹開始有脾氣，就拿拿罧係雪櫃拿出一排雞蛋，又係個櫃到拿出一袋麵粉⋯⋯⋯一切準備就緒後，兩個人將材料混合，好努力咁猜麵粉。

tt：都話你對手冇力嘎啦。（tt一路講，一路移動到心如後面，環抱著心如，兩個人合力猜麵粉。）

如：乜喔⋯⋯我⋯⋯未食飯咋嘛！

tt：係啦係啦，咁整完帶你去食嘢補數好冇？（tt當然知道心如依然未完全掌握整餅嘅技巧，不過佢願意同自己一齊整餅俾屋企人食，錫住佢就唔再督爆佢啦）

兩個人一齊猜麵粉，一齊包雙黃白蓮蓉餡、豆沙餡。專注的二人從未察覺日落的餘暉灑落在粉團上⋯⋯⋯

tt：熊心如同學，你成日話自己大力咗，真正體驗你技術嘅時候到啦。（tt指咗一下台面上的月餅模）

如：我實得嘅！

砰！

心如用力將月餅模一掟，材料檯上面嘅麵粉飛到周圍都係，包括⋯⋯tt塊俊俏嘅臉。

如：我⋯⋯我下次會注意嘅⋯⋯😳

砰！！

啲麵粉依然好唔聽話，佢地嘅圍裙似乎冇麼用⋯⋯

tt：你⋯⋯都係等我來啦。😑

tt用純熟嘅手法同恰到好處嘅力度，全部月餅都順順利利脱模，平平安安咁送曬入焗爐。

如：攰死人啦！（心如將圍裙一脫，攤坐在沙發上）

tt：透下啦，俾啲耐性等佢出爐就得啦。

心如認真咁望住tt

「咁就叫靚仔乜？」

「個鼻係幾高嘅，只眼都幾大啊」

⋯⋯⋯

tt：喂！霖緊乜啊？又顧住𥄫仔啊？🤨

如：冇！你塊面污糟咗咋嘛！

tt冇回答，而係偷偷移動到材料檯，用手拿咗啲麵粉⋯⋯⋯

兩個小學生係烘培室跑來跑去，賽果當然係tt sir獲勝，獲勝嘅獎品就係，tt sir攬實個大頭妹唔放手。

如：玩夠未啊tt sir，又整餅你又跑來跑去唔攰嘎咩？

tt：多謝你。

tt：有你陪我做我鍾意嘅事，好幸福。

叮————

八月十五當晚 熊家天台

根：大家唔好客氣啊，當自己屋企得噶啦。

偉：根叔，中秋節快樂啊！（潮偉帶來了一個果籃，裡面有根叔最愛的靜岡小姐）

根：哈哈哈哈好，好好好，安仔啊，拿啲水果出來洗下佢一齊食啦！

安：收到！

龔：treegun，小小心意，希望你鍾意啦！（龔燁帶咗兩支紅酒同兩罐頂級茶葉來）

根：哎呀使乜咁破費啊！安仔啊，啲紅酒放好佢啊！啲茶葉倒啲出來沖俾大家試下！

安：知道啦公公。

善：唔知只tt出乜招數咧？

偉：我同阿龔嘅禮物，根叔滿意就好啦。

水：我見tt今日上來好似冇拿啲乜特別嘢，好似有兩盒月餅？

龔：大時大節得盒月餅，好似「行」咗啲喔。況且treegun唔係有速熊月餅乜⋯⋯

⋯⋯⋯⋯⋯

如：大家快啲過來試下！啲月餅我同tt親手整嘅！

tt：係啊，大家唔好客氣食多啲啊。我地自己整嘅月餅，少甜低脂嘅。😬

根：哇！哩只蓮蓉月，有當年嘅味道啊！想當年我地仲好窮，儲錢去買「蓮鄉樓」嘅蓮蓉，就係咁清甜！但係距地限量生產，我都買唔翻哩只蓮蓉啦⋯

tt：根叔你真係好嘢，咁都食得出。啲蓮蓉係我搭上搭先買到嘅，最緊要你開心！

tt：大家姐、二家姐，心如話你地三姐妹都鍾意食豆沙餡，哩盒我地特登整俾你地嘅，試下～

善：（拿起一舊仔月餅）咦？唔錯喔。

水：（認真咀嚼）好味喔！估唔到tt你整月餅都有一手！

偉、龔：高招啊！

tt搭住心如嘅膊頭，一齊欣賞哩個咁正嘅月光。你喂我食月餅，我喂你食水果，共享甜蜜與幸福。

tt：心如，多謝你等我有機會同你一齊過中秋。

如：哩個係我地拍拖之後第一個中秋咋，之後肯定仲會有好多好多個。（把頭靠向tt的懷裡）

tt：（順勢攬住心如，並送上一個簡單的吻）我一定會陪你度過你所有開心同唔開心嘅時間。

⋯⋯⋯

水：好心你學下人地tt啲禮物幾貼心啦，仲話人地「行」😑（一路講一路食月餅）

龔：我⋯⋯（都未講完）

根：「行」？乜「行」啊，啲月餅不知幾好食幾好油水！

月滿，月亮。圓月照耀下，戀人對對雙雙。真正的愛情不是物質上的門當戶對，而是精神上的勢均力敵。二人步履一致，想法同步，便是愛情本該有的模樣。

願我可花足一生和你甜蜜，再走到一百歲那志慶場合。

——————————————————————————

🌸🌸🌸🌸來篇應節文章，中秋節希望大家都團團圓圓甜甜蜜蜜，樓主祝大家中秋快樂！無論大人細路都可以食多啲月餅，玩多啲燈籠！