Wing

【熊心如 x 朱天梯】10

「天」知我「心」

太陽一落下，加上入夜後刮起的風，氣溫驟降。著住見短袖衫嘅心如下意識用自己的雙手溫暖自己的雙臂，但似乎並不奏效。佢摸了一下褲袋，裡面有少量的現鈔。眼見步行翻酒店仲有一段距離，心如決定行入七仔，買啲嘢食醫下肚先。

如：ummm⋯食乜好咧？唉，本來今晚霖住食A5和牛之後去酒吧街睇啤酒節嘎嘛，點會咁嘅⋯⋯

如：唉⋯⋯唔知tt宜家點咧？😔

如：其實⋯我係唔係應該聽下佢解釋咧？🧐

如：霖咁多做咩啊熊心如！你係多餘嘅！

如：大家姐講得啱，啲咁識照顧人嘅男人都係花花公子來嘅！😞

經過一輪自言自語後，心如買咗一個飯糰同一杯熱咖啡，食完嘢稍作休息就離開七仔，繼續行返去酒店。

正所謂「望山跑死馬」，眼見酒店在遠處，自我感覺越行越近，但係就行極都未到。

兜兜轉轉幾個彎後，心如終於返到酒店。佢拿咗件外套同啲現金，唔想留係間房度，就離開酒店了。

如：唓，就算佢唔係度，我一樣可以去體驗啤酒節嘎嘛！

前台：hello madam, may I help you？

⋯⋯⋯⋯⋯

另一邊的tt，一直擔心心如冇外套會凍親，手機銀包又唔係身，一時三刻都無辦法聯絡得到佢。tt每經過一條橫街窄巷，都對著裡面嗌幾聲「熊心如！」，可惜嘅係得到嘎只有自己的回音。

tt：熊心如啊熊心如⋯⋯你究竟去咗邊啊？

tt：點解你唔願意聽我解釋啊？☹️

tt：哩次真係自己攞來衰，自作孽自己受！

行程表？行程表！tt打開心如的手機，點開備忘錄，睇到今日嘅行程表：

晚餐：京都和牛烤肉店

飯後：酒吧街啤酒節

tt用手機導航睇咗一下，發現酒店距離酒吧街唔遠，推測心如應該會翻酒店先，tt即刻急急腳跑翻酒店。

打開酒店房門，不出tt所料，本來掛係衣架上面嘅外套唔見咗。不過奇怪嘅係，件外套嘅主人一樣唔見咗。

tt：熊心如你俾我穩到你你就知死。😠

酒吧

如：angel’kiss, please.

心如不知不覺就order哩杯佢同tt之間嘅定情酒，飲咗一啖，感覺冇之前咁甜了，甚至有啲苦。

如：朱天梯，你好嘢，你⋯你就係鍾意呃人，你⋯你衰人來嘅。（一邊講，一邊用手指天指地比劃著⋯）

心如將所有嘅唔開心都對住杯酒發洩曬出來，飲曬落肚，再飲第二杯，第三杯⋯⋯

Ryan：小姐？小姐你冇事啊嘛？聽你講嘢係咪你男朋友對妳唔好啊？（哩位先生一路講，一路搭住心如的膊頭、手臂、直到腰間）

如：哈？你⋯你邊位啊？（心如下意識向旁邊閃開）我係咪發夢啊？日本人識講廣東話嘎？睇來可以用來寫論文喔，哈⋯哈哈⋯⋯（心如的怨氣發洩曬落五六七八杯cocktail度，除咗塊面好紅之外，講嘢已經開始語無倫次了）

Ryan：你好啊，我叫Ryan啊。係日本嘅酒吧都可以遇到講廣東話嘅朋友，證明我地有緣分咯。賞唔賞面一齊飲杯紅酒？（Ryan越貼越近，將心如擠向佢的心口）

如：唔飲！不如我唱歌俾你聽啊～「打開蒸籠，打開蒸籠，有個包，有個包，快啲拿佢出來⋯⋯⋯」

tt：心如！！！！

tt一個箭步，從門口跑過來吧台，用自己件西裝外套包實心如。

Ryan：喂！你！

tt行過來二話不說，將台面杯紅酒潑向Ryan

tt：咁鍾意請人飲酒，我請你飲。唔該你唔好對我女朋友做出任何唔尊重嘅事！

Ryan：邊位啊你！宜家我食女使唔使同你交代啊？你係關心你條女就唔好俾佢出來啦！痴線！

tt：你有咩唔滿意你可以contact我。香港朱三角律師事務所，朱天梯律師，多！多！指！教！（tt瞪大眼睛，露出兇狠的表情😡）

Ryan：唓⋯律⋯律師好叻乜！玩唔起唔好出來玩啦！（一路講，一路灰溜溜地離開了）

如：我未唱完啊！唔好走啊！（心如企起身，想來一個華麗轉身，點知就頭暈暈咁撲左落tt度）

tt：夠啦！你唔好再飲了！跟我返去！（tt用力攬住心如的腰，帶心如離開了酒吧）

酒店房

心如的酒量已經到了極限，翻到入房就用佢僅以嘅力氣衝入洗手間。

心如坐係地下，抱住馬桶，一直想嘔但係嘔唔出。

如：點解啊，點解我會咁辛苦嘅。

如：點解我鍾意你，你要咁對我啊。

如：點解你要呃我啊，點解個個都鍾意呃我啊。

tt係旁邊幫心如掃背，聽住心如講嘅每一個字，都好似一把刀咁一下下狠狠咁直插心臟。

「哩啲唔係愛，係欺騙。所有建基於謊言上嘅感情，都冇資格叫愛。朱律師，你標準咁低⋯⋯」

tt：你⋯覺得朱天梯點啊？（tt試探性提問，唔知心如係酒醉三分醒定係會酒後吐真言）

如：佢？衰人咯！呃我！

tt：咁⋯咁憎佢，咁會唔會原諒佢啊？

如：我⋯⋯⋯（語無倫次伴隨嘔吐聲，tt知道，旁敲側擊失敗了）

當心如終於嘔曬啲酒同小小真心話出來之後，tt就幫佢洗個面，抱咗佢上床。tt幫心如蓋好被，入洗手間整條熱毛巾俾心如敷額頭。

tt：唉，哩個大頭妹，真係⋯⋯

tt全晚趴係床邊，捉住心如的手，希望心如一有動靜佢就可以知道。每隔大半個鐘就幫心如換一次熱毛巾，tt好怕哩個大頭妹飲醉酒唔舒服。

如：tt？點解你會係度嘎？

tt睡眼惺忪，聽到心如把聲，即刻坐直。

tt：你醒啦？點啊？仲有冇唔舒服？

如：冇事啦。（心如見到tt趴係身邊，覺得好窩心。但係一霖到那張「動人」嘅合照，即刻變語氣）我嘅事關你咩事？

tt：熊心如。對唔住。

如：哈⋯哈？（佢本以為tt會各種解釋，點知收到嘅係一句誠懇嘅道歉同埋眼紅紅嘅tt）

tt：我知，我呃你係我唔啱。但係張相係以前來公幹嘅時候影嘅，我真係冇同過任何一個女朋友咁認真嘎。我知你好憎人講大話，我見到你咁唔開心，我真係好心痛⋯對唔住。

如：咁我都有唔啱，冇聽你解釋⋯⋯

tt：你梗係有唔啱！你唔聽我解釋，一個人走左去我都算啦！翻到來酒店仲要自已一個出去酒吧飲酒！好彩我趕得切去酒吧，唔係噶話妳宜家張開眼見到嘎男人就唔係我！你係咪想擔心死我啊！

如：我⋯⋯

tt：如果唔係我識去前台問下，而你又有去前台問點行過去酒吧街會近啲，我今晚真係唔知點算啊！你可唔可以學識保護自己啊！你知唔知你唔見左，我擔心到痴線啊！

如：麼⋯⋯麼咁大件事乜⋯⋯sorry啊⋯⋯

tt：算啦，最緊要你冇事。我⋯嬲你唔落啊大頭妹！應承我！以後唔可以自己一個去酒吧！

如：yes sir！sorry sir！但係你點知我係邊間酒吧啊？

tt：（用手指勾一勾，示意心如靠近）因為我有隨意門。

如：哈！真係嘎！

tt：因為我睇過你手機上網紀錄，睇下你瀏覽酒吧街邊間酒吧最多咯聰明人！

一直被理性支配的讀書人，少有表露出感性的一面。她討厭謊言，討厭被欺騙。他八面玲瓏，喜歡用善意的謊言化解矛盾，取悅對方。經過這一晚，她開始理解他的難處，他開始明白她的感受。緊張，會令人方寸大亂。在意，會令人變得脆弱不堪。戀人總是在不斷磨合中促進感情升溫，愛情總是在不經意間，慢慢轉化爲另一種更深層次的情感。