【龔水】833愚人愚人後續
看完833當晚，整晚都睡不著。很大幾率這一集是為了鋪排之後may的出現，但不得不說其實都算是一集高質的龔水主線。無論真假求婚還是ff情節的拍攝都很用心，ending那裡真的看得很心疼很心疼，只不過其中某些情節實在玩得過火了。男方扮失憶求婚？女方用女人最痛來玩？雖然雙方都有不對，而我一直都很愛水水，但是這次相比之下更不能接受她這種做法。沉澱了兩天，想通了一個point：不能只是一味看他們美好日常，如果情侶間有些坎沒跨過去，有些刺沒拔走，很難將這一段關係升華。編劇讓他們面臨拍拖以來最大的感情考驗（當然可能之後may的出現這個考驗更大吧，這裡不作考究了等播出再算吧），希望這個鋪排到是有意義的。本文只是寫後續，「挽救」一下雙方那晚過火的玩笑，但並不代表和好，有時候虐一下，也是為了看清未來的路。
……
「你好過分」。龔燁這句話一直在若水的腦裡迴蕩。他說出這句話的心情究竟是怎麼樣的？我究竟是不是令他太失望了？手機亮屏、息屏。若水重複著這個動作，對方狀態：在線上。對話框裡自從那晚之後就沒收到新的信息。而在輸入框內，光標不斷閃爍，似是催促若水把心裡的話快快告訴網絡另一端的男人。她卻步了，刪除，息屏。
手機亮屏，回復完工作的信息，他習慣轉到與若水的對話框。對方狀態：輸入中…「你係邊啊？」對話框內依然停留在那晚若水給自己發的最後一條信息。他有點期待收到新的對話，但是又擔心下一步不知道怎麼回復。顯然，他的擔心多餘了。
初戀cafe
五美圍在一起吃午飯
洋：David姐，點解你唔叫埋Mary姐落來一齊食飯啊？係group度at佢都冇理我……
David：我已經當面叫咗啦，但係佢心情唔好，等佢一個人靜下啦。
Rebecca：Mary姐唔食飯得唔得嘅？不如我地買外賣俾佢啦。
Mia：唉，佢搞成咁，我地都有份造成。
Helen：咪係咯，其實我地應該阻止佢玩到咁大，霖翻轉頭真係玩得好過分，又唔怪得阿龔咁嬲。
Rebecca：切，咁果只咁噶龔燁咪一樣呃Mary姐佢有病咯。
Mia：我霖Mary宜家除咗唔開心，應該仲好自責吧。
David：唉，佢哩幾日做嘢都冇曬心機，仲錯漏百出，失曬魂咁。
洋：你估我老細又好好咩？哩幾日係咁穩我來出氣，連下個月要做嘅project都就來做曬啦，日日逼我地陪佢OT，你地睇下我對熊貓眼。
……
正當五人在討論，冇留意到風流三子一直在後面那張台偷聽。
Ivan揮了揮手，示意走入cafe的龔燁過來。
龔燁看了看旁邊那張大圓桌，一二三四五，少了最高那個。
Peter：兄弟，幫你買咗飯啦。
龔：唔該。
Andy：見你咁嘅狀態，一睇就知你同Mary姐未好翻啦。
Ivan、Peter：廢話。
龔：佢玩到咁大，仲嚇到我阿爸咁，點好翻啊？
龔燁一邊說一邊用調羹撥弄盤中的食物，語氣略顯煩躁。
Ivan：其實Mary姐都好自責啦，（三子眼神示意旁邊五位女士）你都唔好咁搏啦，停一停，霖一霖。
……
豪仔：Mary姐，落來買飯啊？
豪仔一聲馬上吸引了兩桌人的目光。
Mary：係啊……一碗白粥加全麥三文治外賣啊唔該。
豪仔：食咁少？莫非Mary姐你要減肥？係咪準備辦大喜事啊？
David見形勢不對，馬上沖到結賬台：hey！Mary前幾日陪我見客食到滯，咪要食粥咯。唔好咁啰嗦啦你，我order多五杯咖啡外賣，Mary張單入埋我數，爽手啲啦，我地趕時間啊。
豪仔：得得得！
Mary向David微笑了一下，轉頭向四美再點頭謝意。她知道右邊有張台的人一直盯著自己，但她很快回頭，拿了外賣就馬上離開。
Ivan：明避你喔。
龔：食飽了，我上去做嘢。
待龔燁離開後，Ivan：雖然阿龔今次求婚都好有誠意，但係咧，開場白好似又真係鋪排得麻麻地嘅……
Andy：咁兄弟一定要撐嘎啦！你想變節啊？
Peter：清官難審家庭事，我地都喺唔好出咁多聲，靜觀其變啦！
傍晚九點，尋寶圖
若水的精神狀態十分不佳，做事正如David所言，錯漏百出。若水不想再麻煩其他人幫自己，所以要用額外的時間來把工作慢慢做好。若水看了看桌面那半份吃剩的乾巴巴的三文治，拿起來把餘下幾口都塞進嘴裡，喝了幾口已經放涼的茶，咽了下去。若水收拾了一下，關好燈，離開了尋寶圖。進電梯的那一刻，手差點習慣性按了市場部的樓層。她歎了歎氣，直達大堂。
若水下班後並沒有直接回家，而是去了護老院。
護士：熊小姐？咁夜嘅？得你一個？
水：啊…係啊，龔生佢唔得閒，今晚得我一個。
護士：哦。咁你自便啦，我啱啱經過K房，見到龔伯係度食緊水果。
水：哦好啊，唔該你。
若水走到K房門口，又遲疑了。她知道自己那個過分的玩笑不僅傷害了龔燁，還傷害了龔爸。她當晚看著龔爸暈倒在自己面前，那個場景不敢回想。若水隔著門的玻璃看到龔爸正在吃水果看電視，覺得自己不應該出現打擾他老人家休息，見到他沒事就安心了，於是轉身離開。
護士：龔生？熊小姐又話你今晚唔得閒來嘅？
龔：哈？佢來咗？
護士：係啊，佢走咗冇几耐咋嘛。咁奇怪嘅，佢又話你唔來，你又唔知佢來……
龔：哦，冇，我OT完唔記得同佢講咋嘛，哈…哈哈，我入去睇阿爸先。
……
友：仔，你來咗啊？
燁：係啊，阿爸，啱啱Mary係咪來過啊？
友：冇！我一直自己係度睇電視咋嘛。阿仔啊，你掛住人掛到有幻覺啊。正正經經追翻我心抱仔返來啦，佢嚇親我地係唔啱，但係你又話咩自己老人癡呆嘖，你睇你阿爸我幾醒目！
燁：係啦係啦，我知啦。
……
第二早，如常上班。似是有意，又像是巧合。一個習慣了早上班完成工作，一個不得不早上班調整狀態，就這樣，二人在大堂相遇了。
水：早晨。
語氣似是對上司問好一樣小心翼翼，畢恭畢敬。
龔：早晨。
語氣平淡，甚至收起了一向對同事那種公關熱情。
電梯門打開，打破了二人尷尬的氣氛。龔燁沒有按下市場部的樓層，也沒有按下尋寶圖的樓層，而是按了頂樓的數字。若水明白他有話想說，也不阻止。
天台
龔：你想避我避到幾時？
水：我……對唔住。
儘管若水心裡有很多話，但不知道從何說起。
龔燁以為若水會說很多很多話，但萬萬沒想到第一句就是道歉。
龔：咁，我都有唔啱。
水：如果冇麼嘢，我落翻去做嘢先了。
若水依然想逃避。
龔：Mary，其實有啲嘢唔講清楚，我霖我地嘅關係好難修補。
水：咁你想我點啊？我真係好辛苦啊，每一日都要避開你，我唔知點面對你啊，我知我做錯咗，但係你一開始就同peter果幾只嘢話要玩求婚啊，咁我先誤會咋嘛，我點知你來真嘅。搞到世伯咁，搞到個求婚場面咁，我都好自責好後悔仲好混亂啊，咁我可以點啊？我宜家嬲我自己多過嬲你，你明唔明啊？求下你了龔總監，俾翻啲空間同時間我得唔得啊。
若水實在忍不住了，這幾日身心的折磨令她的壓力到了頂端，已經紅透的雙眼，不知是因為疲勞還是情緒爆煲。下一秒，眼淚一下子就嘩啦嘩啦流了出來，像扭開的水龍頭一樣，剎不住車。
龔燁看見她的眼淚，很想幫她抹走。他不知道自己現在這一刻應該做什麼，他想抱著她安慰，但是心裡依然為那晚的事情耿耿於懷。
若水講了兩句話，令龔燁的心閃過一下刺痛。
龔：咁……不如我地大家都冷靜下，哩段時間我唔會再穩你了。
此夜，龔燁就如當晚一樣，輾轉反則。身旁的半邊床依然是空空的，冷冰冰的。雖然旁人都在極力勸說自己，甚至今早在天台和媽呢空面對面的對話都感受到她很難受。但是自己和媽呢空的感情究竟是不是出了問題？是不是真的需要時間來沉澱一下，看看二人究竟適不適合走未來的路？兜兜轉轉終於在一起，但來到結婚這一步就出現了意想不到的狀況。自知其實還在生氣，同時自知心疼那個女人。不願多想，龔燁起身，把身旁的枕頭收起放入衣櫃頂層，再回到床上，強迫自己不要再回想若水那兩句話。
「龔總監，我希望你可以俾翻少少尊嚴我。」
「我唔想再係你面前喊，特別係宜家。」
评论(13)