Wing

【熊心如 x 朱天梯】08

大龍鳳

朱家

咯咯咯鎖匙開門聲

展：你同我企係度！

tt企定定，準備接受靈魂的審判

展：你同我解釋清楚！宜家先斬後奏算點？你宜家話俾全世界聽熊心如係你女朋友。咁我咧？你有冇理過你阿爸嘅感受！你眼中究竟仲有冇我哩個阿爸！（😡😡😡）

tt：阿爸，我今次認真嘎。無論對你，定係對心如。我想正正式式介紹我嘅女朋友俾大家認識，咁有錯咩？你知道心如係金城安三姨，如果我同你講先，你肯定唔會俾我帶距出席今晚個party。係啲先後次序嘅問題嘖，一定要咁執著嗎？（tt一臉認真，程度堪比上court打官司）

展：叻啦，宜家用律師口吻來同我講野啦！唔需要多講！總之我就係 唔 同 意！你一係要果個咁嘅熊心如，一係要你哩個阿爸！兩個只能活一個！

tt：阿爸，我一向都咁尊重你。你試下放低偏見啦。你今晚有眼睇嘅，個個都讚心如又靚又叻，距真係一個好女仔來嘅。我绝对唔会放弃距。

tt话音刚落，朱展就转身入咗自己的房，砰門嘅聲音大聲到隔離屋都聽到。tt搖一搖頭，都翻入自己的房間。

電話信息

如：點啊⋯係咪好大鍋，搞唔掂啊？

tt：冇嘢喔，連你哩個古墓派傳人我都搞得掂，有乜嘢係我tt sir搞唔掂嘎😬

如：咁你好好休息一下啦，聽日唔好來接我啦。

tt：咁好啦。唉，安仔真係一個人民公敵。

如：不過，敵人嘅敵人，就可以做到朋友啦。

⋯⋯⋯⋯⋯

電話

嘟嘟嘟⋯⋯⋯

如：🐷凌！咁夜打電話俾你，唔好意思啊，係咪吵醒你啊？

凌：（用一把未訓醒嘅聲音）冇⋯冇事，我都未訓。咁急穩我，阿哥有事？

如：咁又唔完全關你阿哥事嘅。我今晚去左見家長⋯⋯（聲音越來越小）

凌：oh！肯定係我daddy唔同意啦！距就係咁專制橫蠻無理噶啦！成日要我地跟距嘅路來行！（越講越大聲，越講越精神）

如：🐷凌你唔好咁激動先。我想問下，你可唔可以同金城安做出好戲，幫下我。

凌：我同安仔？幫到你嘅話冇所謂啊。話曬你都係我未來阿嫂，我daddy咁討厭妳地屋企，我同安仔唔多唔少都要負上責任。

如：關你乜事啊，係只金城安唔爭氣咋嘛！你應承我就最好啦！咁有啲乜我聽日返去補習社再同你講，不過千其唔好俾安仔知。

凌：哈？唔係話我地兩個要做場戲乜？咁⋯⋯

如：金城安演技最好嘅時候就係真情流露嘅時候。😏😏到時咧，就⋯⋯⋯

凌：哈，咁殘忍啊？

如：兵行險著，點都要搏一搏。

⋯⋯⋯⋯⋯

數日後    好爸bar

蓮：S.O！快啲去幫陳師奶買兩條叉燒返來啦！

安：係嘅蓮姐。（返工要對唔住蓮姐，放工要對唔住媽咪，點解我堂堂金城安會落得如此下場）

蓮：我哩啲LA水平嘅人材，要係度對住啲MK質素嘅蠢材，真係命都短幾年。（搖搖頭，走往水吧）

安一出門口，就遇到朱家兩兄弟

凌：Hey man！

安：oh my man（與🐷凌來嘅👊🏼互擊）（望到🐷凌身後嘅tt）oh你好啊，係咪來穩輝哥啊？我唔得閒招呼你地啊，蓮姐要我去買叉燒😅

輝：hi，入來坐啊。

tt：輝哥啊，叉燒可唔可以穩第二個去買，我地想同安仔敘舊。

安：whaaat？？tt你係咪對我有乜誤會？（雙手環抱胸前）我好似同你冇乜交情。

tt：我同你，交淺言深啦。（挑眉）

安：哦～～（搭住tt膊頭行入去vip房）咁啊係，話曬我都係三姨最疼錫嘅姨甥仔，集萬千寵愛在一身，係應份嘅。

tt：一陣我阿爸會過來join我地嘅happy hour，你都一齊啊。

安：世伯？？朱凌凌，你阿爸肯定殺左我嘅！妳地兩兄弟想夾埋來害我？？

此時朱展正走入vip房

展：我何止想殺你，仲想折磨你，玩殘你，最後先殺死你。

安：oh my god！輝哥救命啊啊（🐷凌摀住安仔嘅嘴，距求救嘅聲音越來越細⋯⋯）

展：不過今日，我係想來問你，有關你三姨嘅事。

安：三姨？距為人尊師重道啦，讀書都算過得去啦，不過就係識死讀書，冇我咁靈活咁咯～做人太死板，一啲都融入唔到當代社會balabala⋯⋯⋯

tt心想：如果唔係演出大龍鳳，金城安，我一定要打碎妳個天靈蓋。

此時，安仔口中的女主角出現了。

如：金城安！你淨係識係我背後講我壞話！你做人可唔可以堂堂正正啲！你可唔可以唔好成日搞破壞！

展：（小聲道）哇，妳個女朋友都幾辣喔。

tt招牌笑容，睇來大家都開始入戲了。

如：就係因為你！令到我地大家都冇辦法好好相處！我今日唔替天行道都唔叫熊心如！

啪！

心如清脆嘅一巴掌，準確無誤打落安仔塊面度。

安：三姨？你？你咁對我？我要話俾媽咪知！我要同公公講！（摸住塊面）

凌：哎呀安仔，你就唔啱啦，點可以咁樣講心如嘎。雖然妳地係生於同一個家庭，但係點解會截然不同嘎？

如：哩一巴，我替阿爸教孫！「啪」

哩兩巴，我替大家姐教仔！「啪啪」

哩三巴，我替你咁大個人仲做廢青感到羞恥！「啪啪啪」

（自動腦補之前有一集大家姐連打金城安十幾巴的反應）

tt一手捉住心如：好啦好啦，安仔知錯噶啦。（tt望下朱展，然後示意凌凌）

凌：哎呀安仔，我同你出去洗個臉啦。哎呀今次你真係唔啱啦⋯⋯（一邊行一邊講）

安：myman，我究竟做錯啲乜？（流下兩行男兒淚）又係你阿爸問我問題，我答問題咋喔。點解三姨會出現嘎？我⋯我俊俏嘅面容，要毀於一旦啦。

凌：你個樣冇變過啊，都⋯都唔係好覺嘖，去吧台拿啲冰敷一下啦。咁你三姨同我阿哥拍拖，距出現都⋯好正常啊，哈，哈哈。

安：唉，連你都覺得我俾人打都冇乜嘢，咁可能三姨講得我啱，我真係咁廢，咁冇用。

另一邊廂

tt：阿爸，我都話心如同只SO完全唔同噶啦，你睇下。

展：好！打得好！我都想打金城安好耐了！冇霖過竟然係心如你出手！

如：世⋯世伯，希望你唔好介意。但係我覺得安仔做得唔啱，我身為距屋企人，係有義務教好距。

展：講得好！不過⋯

如、tt：不過咩啊？

展：心如你今晚嘅創舉，簡直係教育界嘅一個里程碑！最衰我唔記得錄起身俾譚校長睇！又冇叫輝哥入來睇直播！

如：哈⋯哈哈⋯最緊要都係教訓到個衰仔。

展：啊系咧，聽講你同tt一齊好耐了係咪啊⋯⋯⋯

⋯⋯⋯⋯

車上

tt：睇來你跟得你大家姐多，編劇能力都唔錯啊。

如：咁都係多得tt sir一言驚醒夢中人，我先霖到「敵人的敵人就係朋友」，先度到個好劇本出來。

tt：今次令阿爸咁滿意，你幫距出左啖氣，距以後肯定對你好好。

如：你兩面都贏曬啦，一方面你阿爸又覺得你揀啱女朋友，一方面安仔又覺得你係救命恩人。

tt：我個大頭妹冇咁小氣嘅係咪😁

如：哩幾巴，我打落去我都有啲擔心安仔啊⋯⋯不過都要多謝你細佬配合，有🐷凌係度，安仔冇咁易嬲嘅。

tt：距之前係律師樓搞搞震都算啦，上次距幾句說話差啲俾根叔打碎我個天靈蓋，又要你霖埋曬啲「掀⋯開相關賠償條款」嘅天才大話，今晚一次過還債。

如：如果當時唔係我轉數快，tt sir你宜家仲可以係度講風涼話？

tt：（挑眉）咁你轉數咁快，又估唔估到我想做咩？

如：整⋯菠蘿包？

tt：no. 哥哥我心情靚，決定賣大包。

如：賣大⋯⋯（話未講完，tt趁等紅燈的時間，一下吻上心如的唇，就同加拿大那一晚一樣，溫柔而深沉。）

tt：點啊大頭妹，我哩個型仔律師賣大包幫你重拾回憶，係咪好正咧～～（挑眉）

如：tt啊！

窗外的景色再迷人，也及不上車上的熱戀情侶，簡單滿足，就是最好的幸福。