Wing

【龔水散文】參與，你的生活

獨立成篇，時間線設置在二人拍拖後。

熊家

根：細妹啊，點解唔見二妹出來噶？啲早餐凍曬啦。

如：二家姐仲未訓醒喔。

安：二姨好小可訓到咁晏噶喔。

根：咁可能做嘢太辛苦啦，留起佢果份早餐等佢訓醒食啦。

半小時後，大家見房間依然冇動靜，就派俾大學教壞噶金城安去睇下阿水。

（敲門）

安：二姨啊，起身未啊？我地1點噶船過澳門噶，又話一齊食葡國菜之後睇展覽直落？聽日仲要出席八姨婆個太孫餐滿月酒噶，好多行程啊，再遲就趕唔切噶啦。

水：（咳）我⋯我唔去啦，公司突然急call開會。

仁：開會？我冇收到通知喔。

水：哎呀主管級開會啊嘛，關⋯關你乜事啊阿叔。妳地快啲出門口啦，我都準備返公司噶啦。阿爸，幫我同八姨婆講聲唔好意思啊。

話咁快，就傳來關門的聲音。

⋯⋯⋯⋯⋯

電話msg

龔：媽哩空，去到澳門未啊？sorry啊，今日要開ot，陪唔到妳地一家人去澳門。

水：唔緊要啦，我都未到。正確來講，係我冇去。😓

龔：點解啊？你又要臨時開ot乜？

水：我有啲唔舒服啊，好似作感冒。

龔：哈？但係佢哋去曬澳門，咪得你一個？

水：係啊，我費事同阿爸講我病啦。等佢地開開心心去玩同埋參加餐滿月酒啦。

龔：咁唔得噶喔⋯⋯得你一個人係屋企點放心啊。一係我搞掂手頭上噶嘢即刻來睇下你？

水：👌🏻

⋯⋯

自從知道雙下巴天使病左，龔燁以最快的速度完成手頭上一份又一份文件。雖然睇十行字個腦就會浮現出哩位天使噶樣貌，但係龔燁最終都係順利結束今日噶加班。

龔燁伸左個懶腰，睇左一下手錶。

「仲有時間」龔燁心裡想。

⋯⋯⋯

確立關係冇幾耐，根叔就配了一條屋企鎖匙俾龔燁，以備不時之需。龔燁感謝根叔哩個英明決定，哩條鎖匙派上用場。

龔：媽呢空？你見點啊？

龔燁敲了一下若水的房門，見有人以微弱的聲音應了一句「嗯」之後，就行左入房。

水：唔好行過來！

龔燁俾若水嚇一嚇，呆了兩秒。

龔：做乜嘢啊熊大人。

水：我咳啊！你唔好痴咁埋啊！

龔：傻婆來噶，感冒咋嘛。我免疫力強，唔怕。（龔燁一邊講，一邊行近若水，最後拉開若水床邊的凳，坐係若水旁邊）

龔：你睇下你啊，流鼻水啦。（龔燁抽了一張抽紙，細細力擦了一下若水的鼻）

若水眼定定咁望著龔燁，龔燁回應了一個微笑。之後就拿起啱啱開車去買的白粥，一羹更吹凍，送入若水口中。喂完若水食粥，就入廚房倒了杯溫水，拿出剛才係藥房買噶感冒藥，命令若水食藥。

水：嗯～食飽啦～仲食埋藥，我冇⋯（咳）冇事啦！

龔：死撐啦你！

水：來啦～帶我出去行下啦，難得週末，呼吸新鮮空氣有利康復～

龔燁始終敵不過若水，同時都認同外出運動下比一個人侷係房入邊更有益。於是等若水換好衫，就同若水十指緊扣咁落樓。

龔：點啊，想去邊啊？

水：ummm⋯咁好太陽，帶我去尖沙咀啊，我想散下步！

龔：好啦，咁快啲上車，陪你去行下。

龔燁幫若水扣好安全帶，關好車門之後，遞上一個保溫壺。

水：做咩啊？（若水認得係龔燁平時係公司用的保溫壺）

龔：你病緊，要不停飲水！快啲！

⋯⋯⋯

龔燁見海風徐徐吹來，就除左西裝外套，輕輕披在若水身上。若水意會，用手扶正了外套，感受來自「賤精先生」留下的溫暖。

二人沿著海傍，龔燁搭住若水的肩膀，享受海風同陽光帶來的舒適感。時間一分一秒咁過去，欣賞埋一個「鹹蛋黃」徐徐落下，龔燁帶左若水翻apartment。

apartment

龔：今個weekend你留係我度啦，費事你一個係屋企冇人睇住你。

水：知啦長氣～唔使咁緊張喔。

龔：宜家我嘅水水病左喔，我好心痛噶。

水：龔燁，多謝你。（此時，若水雙眼通紅，眼淚在眼眶打轉。）

龔：乜事啊媽呢空？唔好嚇我啊！

水：冇嘢啊，覺得自己好好彩，終於遇到一個真心對我好噶男人。（若水笑了一下，有溫度的液體從眼角不爭氣地流了出來）

龔燁乜都冇講，淨係攬住若水，越攬越緊，許久才放手。

龔燁抓起若水雙手，問了一句：咁⋯⋯以前啲男人對你有幾唔好啊？曹總對你都幾真心啊。（龔燁的確很想了解若水的過去，當然後半句係為左激下水水）

水：喂啊！曹咩總咩啊！食蕉連皮啦你！都話我同曹總冇開始過咯！😠

龔：係啦係啦係啦（龔燁摸了一下若水的頭），咁⋯⋯細龍生咧？

其實自從龔燁入職接龍的第一日開始，就聽過唔少若水同龍力士的往事。龔燁只能暗裏打聽，今日有哩個機會，佢都好想知道除左秘密網、伊莎貝拉群加鹽加醋噶版本，究竟最真實的版本係乜嘢。

水：阿max啊⋯我都同佢去到談婚論嫁噶階段噶啦，不過平民女子嫁入豪門喔，話咁易咩。最後咪Jenny出場，做左細龍太咯。

龔：我以前聽人講，你係俾細龍生「狠撇」噶喔。

水：咩啊！你聽邊個亂up噶！係我飛佢噶！個衰人啊，居然想享齊人之福啊，要我做阿二啊，Jenny揀噶婚紗我唔著得，就連我屋企人都唔可以出席婚禮啊，我嬲嬲地咪kum左佢幾巴，飛鬼左佢咯！

龔燁聽到哩度，與若水十指緊扣的手力度又加緊了一點，仿佛替若水感到不值，又好像是為了宣示主權。

龔：咁去到談婚論嫁先散，你咪好hurt？

水：係噶，果時我頹到不得了，每日除左識得喊，就係喊，喊到我眼淚都冇曬。不過，好彩我屋企人撐住我，先做翻宜家哩個迎難而上噶熊若水！

龔：原來我女朋友咁堅強噶。咁⋯⋯念念咧？

水：你講⋯⋯博士？

龔燁點頭回應。八卦完豪門戀情，順勢了解埋哩段青梅竹馬情。

水：我同博士咪好朋友咯！佢之後都有同我表過白，不過timing唔啱咯。宜家佢同mandy咪幾好，我都戥佢地開心噶～

龔：姐係蓮夢露同怪醫最後都係因為timing問題無疾而終～

水：係啊。所以我哩啲筍盤，好多人追噶！你執到啦你！

龔：係啦係啦，咁宜家咪幾好咯，timing啱曬，媽小姐有我哩個亞太區市場部總監錫住，我絕對唔會畀任何人蝦你，一定唔會俾妳經歷以前你經歷過噶任何一件傷心事，我要你開開心心，永遠都只有幸福。

語畢，龔燁在若水唇上留下了一個深淺剛好的吻，包含著堅定與疼愛。

這一夜，龔燁緊緊抱著懷裡的雙下巴天使入睡。這一夜，他見到自己所愛的女人因為感動而落淚。這一夜，他終於知道了曾經的熊若水在感情路上背負過太多。龔燁暗自慶幸，上天最終將哩個天使配左俾自己。看著懷裡的天使規律的呼吸起伏，龔燁更堅定了一定要好好保護哩瓶「天真水」「善良水」噶心。

ps：龔水確立關係咁耐，私心覺得寫了日常片段，加深對雙方噶了解。龔燁的過去：龔友、傑叔、九肚山大宅，若水都參與了。今次希望龔燁參與到若水的過去，參與到若水的日常。因為對max水分手那一幕超級深刻，那時候真的很心疼若水。（呂慧儀那一場分手戲真的很有感染力）我認為龔燁都會想八卦一下若水過去的感情生活，畢竟他只完整參與過癡漢曹達華那一part（雖然水水極力否認曹水戀😂）。這篇文章解開了龔燁對若水之前感情生活的迷底，加深自己對媽呢空的認識，加深愛意吧。獨立散文作品，希望大家鍾意哩篇文章啦。😬