慳啲啦，熊家！2.0【PART 2】
十二點已過，比賽也隨著時間流逝靜悄悄來到了熊家。大家都入睡了，除了那條喜歡深夜看書的紅衫魚。
第二早，白板上又多了一個紅豬印，但它躺在了心如的名字旁。
如：阿爸啊⋯你係咪cup錯啊，我幾時犯左錯啊？
吃早餐的時候，心如瞄到了白板有點不同，指了指白板，沒想到第一個中招的竟然是自己？
根：細妹，哩只杯係咪你琴晚用嘎？
心如點了點頭
如：係啊，琴晚睇書嘎時候見有啲口乾，咪沖杯蜂蜜水飲咯。飲水都算浪費？
根：飲水唔係浪費，但係沖左杯蜂蜜水唔飲曬就叫浪費。你沖左咁大杯，就飲左一啖。成杯嘢放係度隔夜又甜又有你啲口水尾，拿去淋花又唔係，拎來抹嘢又唔得，咁仲唔係浪費？
安：三姨，等你琴晚仲咁大聲話節水好，原來第一個「開齋」就係你啊。
有仇必報金城安在一旁幸災樂禍，感覺昨晚被出賣的大仇已報。
如：咁⋯咁我飲唔曬啊嘛。沖左先覺得咁夜飲甜嘢唔好⋯
水：明知飲唔曬就沖半杯算啦，又曬水又曬啲蜜糖。
若水與安仔眼神交流，對於夾擊「敵人」感到十分快樂。
仁：好心你地兩個唔好咁衰啦！不過我都⋯好開心啊哈哈哈哈，咁快有人陪我榜上有名。
三人用笑聲攻擊那條生著悶氣的魚。
仁：阿係了。阿哥啊，baby話今晚想上來食飯喔。仲有咧，baby話好想飲豬肺湯，不如今晚煲啊～
根：豬肺湯？你確定？
仁：確定～baby今朝send左條片來啊，原來琴晚瘦媽同9號個飲食節目教煲豬肺湯，睇落真係好好味好吸引嘎！
根：得得得！冇問題！最緊要你地鍾意！今晚叫David早啲到！二妹啊，你順便叫埋阿龔上來食飯啦，佢冇啖湯水唔得嘎。
水：知啦阿爸，咁我地幾個今晚收工一齊翻來啦。
傍晚 熊家
水、仁：我地翻來啦！
燁、菲：Hi～everybody～
安、如：Hello～
樹根聽見聲音，穿著圍裙拿著鍋鏟從廚房走出來：你地翻來啦，快啲洗手準備飲湯食飯！安仔啊，入來幫我手啊。
安聽到上級命令，攤在沙發上的他馬上放下手中的遊戲機，穿好拖鞋：係嘎公公。
由於疫情的關係，大家更重視個人衛生。至於那位本身有潔癖底子的龔總監就不用說了。
燁：你出去飲湯先啦，唔使等我。
水：等埋你先啦。你真係洗手洗足唔止廿秒，好認真喔。
燁：梗係啦，要乾乾淨淨咁先安心嘎嘛。你睇～要咁樣卒先乾淨。
龔燁一邊說，一邊示範正確洗手七部曲。當然他的觀眾只有挨在天台樓梯口默默等待的雙下巴天使。天使已經很餓了，並沒有什麼耐性看他表演，只想他快快洗乾淨，然後一起出去食飯。
突然一把聲音讓二人感到莫名其妙。
根：一隻紅豬仔。
水、燁：阿爸（treegun）？咩紅豬仔啊？
若水看見白板上自己的名字那行多啦一個紅色印，首先清醒過來。
水：阿爸啊，你搞乜啊，無端端做咩要cup我印啊？
根：你地兩個顧住傾計，搓手嘎時候又唔閂水喉，由得啲水係咁流足咁耐，梗係要cup印啦！
水：但係係度浪費水嘎係龔燁喔！關我咩事啊？
根：人係你帶上來嘎，又係你男朋友，梗係入你數啦。
水：哇！明明係阿爸你叫我叫佢上來食飯嘎喔！
燁：額⋯好啦好啦大家都餓啦，啲餸凍曬啦，食飯食飯！
龔燁昨晚就聽若水說過這個比賽，回憶起上次節電比賽，若水要回公司「偷電」就知道根叔對於這件事多麼認真。龔燁一邊說一邊從後推著若水和根叔向前走，希望兩父女能結束對話，更多的是希望自己這個鍋能被若水遺忘。
當然，不可能。
水：死賤精啊！你累我無端端多一個印！今個月我要負責交水費嘎話你食足十打蕉連皮啊！
龔燁攬上若水的腰，下巴搭在若水的肩膊上，希望能盡快滅火：唔好嬲啦，嬲就唔靚啦。餓啦，快啲食飯。如果最後你要包底，張單我俾一半咯。
晚餐的氣氛很融洽，除了大家覺得龔燁不斷夾菜給若水而若水又一臉冷淡有點奇怪之外。
仁：哇！
樹仁突如其來的大叫令大家都從飯桌上震了一下。
如：阿叔啊，你搞乜啊。
David：係咯baby，what's wrong？
樹仁指了指白板：阿哥！點解啊！點解我有三隻豬啊！明明話讓佢地兩隻，係咪你眼花cup多左啊？我幫你抹走佢。
根：等等！一啲都冇搞錯。唔使緊張。
安：咁唔知叔公做錯啲乜嘢咁咧？
樹根指了指飯桌上的豬肺湯。
David：個湯？個湯好好味啊，大家飲多幾碗，都唔算係曬水⋯掛？
眾人都在點頭，表示十分同意David的說法，大家都覺得有點一頭霧水。
根：大家鍾意飲多幾碗，就梗係冇問題啦。只不過係阿仁提出話要飲豬肺湯啊嘛，你地知唔知洗乾淨個豬肺要好多好多水嘎，要不停咁「啤水」洗好多次先可以洗到個豬肺咁白淨。
眾人：咁都得？？？
水：哦！咁我知了，阿叔你提出，就算係David開口先，佢係你女朋友一樣入你數嘎。
若水說完，用哀怨的眼神望了一眼龔燁。
安：哇，真係好刺激啊公公。咁睇來宜家就得我一個係冇負累，哩個星期我一定唔叫Bonnie啊朱凌凌啊佢地上來食飯，我一定要守住我嘎「清白」！
如、仁、水：好巴閉咩！睇下點！
未完待续……
下part供水主场！
评论(2)