慳啲啦，熊家！2.0 【PART 1】
熊家日常温馨小故事，從上次節電比賽ending獲得靈感，哈哈顺便提醒大家一定要節約資源啊～希望大家喜歡。
熊家
吃過晚飯，熊家人圍坐在沙發上看每晚八點最搞笑的那套處境劇。片尾曲播完，熊家各人準備散場，各做各的事。
根：大家咪走住，我有啲事要宣佈。
樹根邊說邊向房間走去，招手示意大家等等。
餘下的人圍在一起：
如：阿爸搞乜啊？有咩宣布？
安：唔通係我啱啱話公公今晚啲餸鹹左啲，要懲罰我？
水白了安仔一眼：要鬧你使唔使咁隆重叫大家等等啊？大學咁教你嘎？
仁：我覺得九成九要我地加家用。
若水一拍大腿！驚醒一樣：似了似了！阿爸琴日幫我折衫，發現我衣櫃多左幾個新手袋，今朝食早餐仲係咁問我。
善：呵，麼嗰隻長毛咁孤寒，手袋都唔肯送俾你啊？
水：家姐啊⋯咁⋯自己包包自己買，先可以散發出時代女性自信嘅光芒嘎嘛！
未等眾人討論出結果，樹根從房裡出來，手裡拿著一大疊紙和一塊白板。
啪！一大疊單據隨之降落在茶几上。
善拿起了單據認真看了看：阿爸，做咩拿曬啲水費單出來啊？哇⋯麼宜家水費咁貴嘎，係咪自來水公司搞錯左啊？一係我⋯⋯
未等尚善說完，樹根便打斷了。
根：絕對唔係搞錯。我今日已經打過電話去自來水公司問過啦。
如：咁阿爸你話有事宣佈係？
樹根清了清嗓子，說：我要舉辦第二屆熊家節約比賽之節水比拼！
善、安、水、如、仁：咩話？！又來？！
水：阿爸啊，上次節電比賽搞到妳凍到暈低啊，唔好再搞哩啲嘢啦。
仁：係咯阿哥，唔好搵命搏啦！今次又唔知搞出啲乜大頭佛嘎啦。
安：公公啊⋯水係生命之源來嘎！冇水我地會死嘎！
樹根終於找到了插話的位置：吶吶吶安仔就講得啱啦！就係因為水係生命之源！我地先要珍惜！唔可以浪費！你知唔知你地啲水費，貴到嚇死人！一個二個都有責任！
如：今次我又贊成阿爸喔⋯大家知唔知，地球有幾多地方乾旱，幾多人冇乾淨水用啊。我地真係應該要節約用水嘎。
安、仁、水同時向組織裡這個叛徒投以兇狠的目光。善在一旁偷笑，不語。
根：好啦！唔好再講！我已經決定左！今晚十二點起正式開始實行，同上次一樣，一個星期後邊個紅豬仔印最多，邊個包底今個月嘅水費！
樹根拿起了剛才從房裡找出來的白板，上面大大的字寫著大家的名字，畫好方格。看上去這場「比賽」勢在必行了。
水：阿爸啊！唔公平啊！阿叔都唔沖涼嘎！佢贏硬嘎喔！
仁：哇啊水你！真係最毒婦人心！咁你夠可以去阿龔屋企住咯！
金城安看勢頭不對，馬上衝到了尚善身邊，挽著善的手臂盡情撒嬌：媽咪～你話咧～可唔可以咧～姐係咧～我⋯⋯
善一手甩開這個痴身痴勢的安仔：哎呀死開啦！宜家你公公要鍛鍊你啊！認認真真接受挑戰得唔得嘎姐！我同你講啊，如果你輸左，下個月零用錢我都cut埋你，你自己霖辦法交水費單。
如：阿爸，就算大家姐唔收留安仔，佢仲可以佢朱凌凌度「屈蛇」嘎！
安向如緩緩豎起了大拇指：三姨你⋯⋯你好耶！高招！
根：好啦知啦知啦！總之未來一星期個個都要係度！唔可以去其他地方住！阿仁，因為你生活習慣嘎問題，就先cup兩隻紅豬印，以示公平。
仁：公平？！阿哥！咁公平咩？！
單調的白板，有兩個方格的顏色特別醒目。
未等樹仁抱著白板感嘆完「公平」的賽制，若水利用腿長優勢三步併兩步搶灘登陸洗手間，剩下安仔和心如在爭奪下一個登陸位置。而尚善也用最快速度離開熊家，生怕有什麼突如其來的變卦會令她捲入這次風波中。
就這樣，熊家攬炒。這個家庭會議散會後，大家捉緊時間享受最後的用水自由，真正的考驗步步逼近⋯
未完待续…
评论